space to imajin

Usain Bolt And Mi

Posted on: August 24, 2008

Dat Bumpy Head Gyal

Dat Bumpy Head Gyal

by Jamaica’s own ‘Bumpy Head Gal’ – Joan Andrea Hutchinson

Usain mi dawlin, mi just want yuh fi know dat sake a yuh, mi marriage almost mash up di odder day, because a piece of jealousy teck my husband.
Well wah never happen in a year happen in a day
Mi kyaan believe mi eyes
Ever since Usain Bolt win di Olympics 100 metres
Fi mi husband start exercise
Yuh tink a lickle talk mi a talk to him
Bout how him belly a get big
Mi tired fi tell him how him a g et waggaty
An start to fayva pig
Mi spend mi money sign him up a gym
Steam vegetable gi him every day
Him suck him teet an say “Man must have guts”
And galang him merry way
But when Usain Bolt win di Olympic 100 metre gold
An mi start fi scream
“Usain Bolt mi love yuh, mi love yuh, mi love yuh
Yuh fulfill mi wildest dream”
Mi run up an dung inna di living room like mi mad
All liddung pon di floor
Mi say “Usain, a long time no man no excite mi so
Mi ago love yuh more and more”
Right now mi have picture of Usain Bolt pon every wall
And one beside mi bed
One pon mi t-shirt, two inna mi purse
And a Usain Bolt inna mi head
Usain Bolt full mi up wid so much pride
Mi doan even waan fi eat
And when mi talk bout how him body look good
Mi husband say m i sound like mi a cheat
Him mout long up and say mi have young bway nature
An a long time mi love mawga man
When mi tell him say Usain Bolt just meck mi feel good
Him say mi a behave like more dan fan
Him bex like bullfrog di odda morning
How mi gi him di breakfast cold
Sake a mi a watch di rerun a Usain a gi dem donkey length
Fi win di 100 metre gold
Dem show di race again when mi a cook di Satiday soup
Mi gi out “What a mawga man can run”
Mi dis hear “it come een like say sake a dis mawga man
Mi an mi Satiday soup a get bun”
Well Usain mi dawlin, dem say who bex lose
So mi say later fi him
But one ting mi know all of a sudden him start eat healty
And find himself a gym
And between mi an yuh Usain, him proud a yuh big time
But mi dear, nuh watch no face
Yuh name write pon mi heart dat Satiday when yuh get di gold
Inna di Olympics 100 metre race

Advertisements

3 Responses to "Usain Bolt And Mi"

This poem made me laugh and cry out of pride.

Well written! Brilliant!

Ms. Hurtchinson is talented!!!

I love it! the pride the passion talents and creativity the way only Jamaicans know.

Well welll wicked!!!! Mi nuh hav to sey you got talent..

Did you write this just after the hundred final, as I found this poem on the net the following Sunday subsequent to the final.

Feel free to link me. re: a mutual friend who sadly passed away sometime ago.

Bless.

Laurence Woolery

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

a

My Flickr Photos

RSS Life Stream

  • An error has occurred; the feed is probably down. Try again later.

York's Hot Links

RSS My tracks

  • An error has occurred; the feed is probably down. Try again later.

Archives

August 2008
S M T W T F S
« Jul   Sep »
 12
3456789
10111213141516
17181920212223
24252627282930
31  

Blog Stats

  • 22,075 hits

Music

%d bloggers like this: