Posts Tagged ‘100m’
Usain mi dawlin, mi just want yuh fi know dat sake a yuh, mi marriage almost mash up di odder day, because a piece of jealousy teck my husband.
Well wah never happen in a year happen in a day
Mi kyaan believe mi eyes
Ever since Usain Bolt win di Olympics 100 metres
Fi mi husband start exercise
Yuh tink a lickle talk mi a talk to him
Bout how him belly a get big
Mi tired fi tell him how him a g et waggaty
An start to fayva pig
Mi spend mi money sign him up a gym
Steam vegetable gi him every day
Him suck him teet an say “Man must have guts”
And galang him merry way
But when Usain Bolt win di Olympic 100 metre gold
An mi start fi scream
“Usain Bolt mi love yuh, mi love yuh, mi love yuh
Yuh fulfill mi wildest dream”
Mi run up an dung inna di living room like mi mad
All liddung pon di floor
Mi say “Usain, a long time no man no excite mi so
Mi ago love yuh more and more”
Right now mi have picture of Usain Bolt pon every wall
And one beside mi bed
One pon mi t-shirt, two inna mi purse
And a Usain Bolt inna mi head
Usain Bolt full mi up wid so much pride
Mi doan even waan fi eat
And when mi talk bout how him body look good
Mi husband say m i sound like mi a cheat
Him mout long up and say mi have young bway nature
An a long time mi love mawga man
When mi tell him say Usain Bolt just meck mi feel good
Him say mi a behave like more dan fan
Him bex like bullfrog di odda morning
How mi gi him di breakfast cold
Sake a mi a watch di rerun a Usain a gi dem donkey length
Fi win di 100 metre gold
Dem show di race again when mi a cook di Satiday soup
Mi gi out “What a mawga man can run”
Mi dis hear “it come een like say sake a dis mawga man
Mi an mi Satiday soup a get bun”
Well Usain mi dawlin, dem say who bex lose
So mi say later fi him
But one ting mi know all of a sudden him start eat healty
And find himself a gym
And between mi an yuh Usain, him proud a yuh big time
But mi dear, nuh watch no face
Yuh name write pon mi heart dat Satiday when yuh get di gold
Inna di Olympics 100 metre race
When I saw Usain winning that 100m, my heart was full of so much
happiness and I was yelling and screaming my head off – as were all my
neighbours in our complex.
Finally a true Jamaican countryman won the 100m gold and we
got the credit we deserved! I say this, as Donovan Bailey was also
Jamaican but he upped and went to go run for Canada and gave them the
I am so proud and happy for Usain. He earned it and ran a
superb race – even though he jogged the end of it! Kingston right now
is a good place to be.
People are wearing the Jamaican colours on their clothing.
It’s just awesome to see. People are just happy and smiling and when
you go into any local bar, coffeeshop – just anywhere – all everyone is
talking about is Usain and how fast he was.
Jamaicans are bonding and are just happy right now – there are no worries about crime for a change and that’s a good thing.
I am beside myself so happy. So very happy. This means sooooooo much to my little country!!!!!!!!!
I am beside myself in joy, pride, jubilation. Along with over 2.7 million plus Jamaicans around the world as we celebrate 9.69. It is truly amazing, beyond belief to see his performance.
For such a time as this, his performance just maybe the elixir we need to get our crime rate down some. I don’t know maybe I’m too sentimental 🙂 But it is truly amazing, I am really inspired.
BIG UP USAIN, we likkle but we TALAWAH!!!!!